Թող մերը գեղի կլուբ լինի. Արարատ Զուրաբյան

ՀՀՇ վերածննդի համագումարը մեկնարկել է, որին մասնակցում են մի շարք քաղաքական գործիչներ, բայց չկա ՀԱԿ-ը:

Մինչ համագումարը Արարատ Զուրաբյանը, պատասխանելով yerkir.am-ի հարցին, թե ինչո՞ւ չեն հրավիրել ՀԱԿ-ին, որովհետև Լևոն Տեր-Պետրոսյանը ՀՀՇ-ն անվանել էր «գեղի կլո՞ւբ», ասաց. «Գիտեք ինչ, ամեն մեկն, իր նախընտրությունների համեմատ, ունի իր կլուբը: Կլուբ կա, որը հաճախելը ավելի նախընտրելի է: Թող մերը գեղի լինի»:

Համագումարում ելույթով հանդես եկավ «Հանրապետություն» կուսակցության նախագահ Արամ Սարգսյանը:

«Արդարությունն ունենում է երկու թամբ, արդարամիտը հեծնում է շիտակ ուղղությամբ, իսկ անարդարամիտը` ուզած ուղղությամբ: Ես համոզված եմ, որ այն գործը որ դուք սկսել եք, արդար է ու շիտակ: Սա և' նորի սկիզբ է, և' երրորդ հանրապետության հիմնադրման պատմություն: «Հանրապետություն» կուսակցությունը ձեր դաշնակիցն ու գործընկերն է` վստահ լինելով, որ բոլորիս նպատակը երկրում համակարգային փոփոխությունների հասնելն է: Վաղուց արդեն եկել է գործելու ժամանակը: Բարի երթ ձեզ»,- նշեց Սարգսյանը:

«Ժառանգություն» կուսակցության անդամ Արմեն Մարտիրոսյանն էլ մաղթեց մնալ նույնքան սկզբունքային, որքան եղել են միշտ: