Իվանիշվիլին զարմացած է Ռուսաստանի դիրքորոշումից

Նախագահական ընտրությունները միայն կարագացնեն Վրաստանի եվրաինտեգրման գործընթացը և ցույց կտան, որ Վրաստանը Եվրոպայի մասն է: Այդ մասին հոկտեմբերի 23-ին հայտարարել է Վրաստանի վարչապետ Բիձինա Իվանիշվիլին Շվեդիայի և Լեհաստանի ԱԳՆ ղեկավարների հետ համատեղ մամուլի ասուլիսից հետո:

«Ես ուղղակի զարմացած եմ Ռուսաստանի դիրքորոշումից, որը հակաեվրոպական դիրքորոշում ունի, սակայն բացահայտ դա չի ցուցաբերում: Չեմ կարծում նաև, որ Վրաստան-ԵՄ ասոցացման համաձայնագրի վավերացումը բացասական կազդի Ռուսաստանի հետ հարաբերությունների վրա, քանի որ վերջինս շուտով կհամոզվի, որ Եվրոպան լավագույն ժողովրդավարական միությունն է և ինքնակամ կցանկանա միանալ դրան»,- նշել է Իվանիշվիլին: