Շուտափույթ միավորեք փորձառու դիվանագետներին, քաղաքական և զինվորական գործիչներին անկախ ներքաղաքական դիրքորոշումից. Արման Վարդանյան

«Միասնություն» շարժման ղեկավար Արման Վարդանյանի կոչը.

«Պատերազմական այս դժվարին պահին կոչ եմ անում համախմբվել` անկախ քաղաքական հայացքներից ու տարակարծություններից:

Հարգելի՛ ՀՀ Վարչապետ Նիկոլ Փաշինյան,

Արցախի հարգարժան նախագահ Արայիկ Հարությունյան,

կոչ եմ անում շուտափույթ միավորել փորձառու դիվանագետներին, քաղաքական և զինվորական գործիչներին` անկախ ներքաղաքական դիրքորոշումից, քանի որ պատերազմն ընթանում է թե՛ ռազմի դաշտում, թե՛ դիվանագիտական և թե՛ քաղաքական ոլորտներում:

Նախագահ Հարությունյան, ոգևորված ենք Ձեր սառնասրտությամբ և զգոնությամբ, ինչպես նաև մեր զինվորների քաջությամբ ու հայրենասիրությամբ: Լիահույս ենք, որ համատեղ ուժերով այս պատերազմից հաղթանակած ենք դուրս գալու:

Այս պատերազմում ևս ՀԱՂԹԵԼՈՒ ԵՆՔ մեր միասնականության շնորհիվ»: