Մենք կարևորում ենք հայ-թուրքական հարաբերությունների կարգավորումը.Դավութօղլու

«Մենք նշանակություն ենք տալիս  հայ-թուրքական հարաբերությունների կարգավորմանը», - հայտարարել է Թուրքիայի արտգործնախարար Ահմեդ Դավութօղլուն՝ անդրադառնալով Շվեյցարիայում Հայ-թուրքական արձանագրությունների ստորագրման 4-ամյակին. հայտնում է АПА-ն:

Սակայն դրա համար, ըստ Դավութօղլուի,  պետք է լուծել  Հարավային Կովկասում առկա խնդիրները, մասնավորպես, Հայաստանի և Ադրբեջանի միջև առկա Ղարաբաղյան հարցը:

Նախարարը նաև շնորհակալություն է հայտնել Շվեյցարիային` այդ հարցում ցուցաբերած օգնության համար:

«4 տարի առաջ մենք լուրջ քայլեր ձեռնարկեցինք արձանագրությունները հաջողությամբ կյանքի կոչելու համար։ Սակայն Հայաստանի Սահմանադրական դատարանի որոշումից հետո դրանք չհաջողվեց կյանքի կոչել: Մոտ ժամանկներս մենք կակտիվացնենք աշխատանքն այդ ուղղությամբ:Թուրք-հայկական հարաբերությունների կարգավորման դեպքում, իհարկե, հայ-ադրբեջանական հարաբերությունների հետ զուգահեռաբար, նշված խնդիրներից շատերը լուծում կստանան»,-ասել է Դավութօղլուն։