Փոխարժեքներ
07 10 2024
|
||
---|---|---|
USD | ⚊ | $ 386.93 |
EUR | ⚊ | € 424.27 |
RUB | ⚊ | ₽ 4.02 |
GBP | ⚊ | £ 505.41 |
GEL | ⚊ | ₾ 141.01 |
Ռոբերտ Քոչարյան անուն-ազգանունը պարունակող ցանկացած նյութ լրատվամիջոցներում գրեթե միշտ հայտնվում է ամենաընթերցված նյութերի շարքում: Սենսացիաների հետեւից ընկած որոշ կայքեր, ռեյտինգ հավաքելու եւ անուն հանելու համար, հիմա էլ ընկել են Քոչարյանի անվան հետ կապված ցանկացած մարդու կամ երեւույթի հետեւից: Այսօր, օրինակ, համացանցում հանդիպեցինք, որ ինչ-որ Irakanum.com կայքի հաղորդմամբ` առավոտյան քաշքշուկ է տեղի ունեցել Ռոբերտ Քոչարյանի գրասենյակի ղեկավար Վիկտոր Սողոմոնյանի եւ ՃՈ աշխատակցի միջեւ:
«Ականատեսներն ասում են, որ լսել են, թե, չցանկանալով տուգանվել (փողոցը չթույլատրելի հատվածով անցնելու համար), երիտասարդը ներկայացել է, որպես Սողոմոնյան ու շեշտել, թե հանրապետության նախագահի գրասենյակի ղեկավարն է, իսկ տեսուչն ասել է` մեր նախագահը Սողոմոնյան ազգանունով գրասենյակի ղեկավար չունի, ու դա ընդանրապես կապ չունի»,- գրում է կայքը:
Ամբողջ դետեկտիվը վերաշարադրել չենք ցանկանում: Նշենք միայն, որ Yerkir.am-ի թղթակցի հետ զրույցում, լսելով պատմությունը, Վիկտոր Սողոմոնյանը նշեց, որ տեղեկությունը իրականությանը չի համապատասխանում: «Վստահ եմ` շփոթմունք է տեղի ունեցել»,-նշեց նա:
Իսկ մենք սպասենք նոր մտածված կամ ոչ մտածված «շփոթմունքների» Քոչարյանի անվան հետ կապված որեւէ այլ անձի մասին...