Երբ ուղևորն ու ծանրոցը նույն ''գինն'' ունեն

10 տարուց ավելի է` 18 համարի միկրոավտոբուսային երթուղին (նախկին 108-ը) Փարաքար, Թաիրով շրջաններից Երևան քաղաքի ցանկացած հատված ուղևորներ է տեղափոխում 150 դրամով: Իր երկար երթուղու շնորհիվ տվյալ փոխադրամիջոցը քաղաքապետարանի կողմից շահել է նաև ուղևորներին 200 դրամով «Զվարթնոց» օդանավակայան տեղափոխելու իրավունքը:

Սակայն, հաշվի առնելով այն հանգամանքը, որ այդ կերպ փոխադրամիջոցները քիչ ուղևորներ կունենային, Երևանի տրանսպորտի վարչությունը հիշյալ գիծը սպասարկող միկրոավտոբուսների համար քաղաքում սահմանել է 100 դրամ սակագին:

Իսկ թե ո՞ր որոշմամբ կամ ո՞ր կետով է սահմանվել, որ ծանրոցների համար ևս  ուղևորները պետք է վճարեն, այն էլ` 100 դրամ, անհայտ է: Նման բան լինում է միայն Հայաստանում: