Վատ նշան

«Մաքսային միությանն անդամակցելու` Սերժ Սարգսյանի անակնկալ հայտարարությունից հետո, ինչպես և սպասվում էր, սկսվել է Հայաստանին կրկին սպասվող հերթական տնտեսական թռիչքի մասին քարոզչական դեմարշը»,- գրում է «Հայկական ժամանակը» և հավելում.

«ՀՀ ԱԽ քարտուղար Արթուր Բաղդասարյանը լրագրողների հետ զրույցում երեկ հայտարարել է Իրան-Հայաստան երկաթուղու շինարարության նկատմամբ համաշխարհային հետաքրքրության մասին, իսկ Սերժ Սարգսյանն Արդարադատության նախարարությունում տեղի ունեցած մի միջոցառման ժամանակ կրկին խոսել է « աշխատավարձերի անընդհատ ավելացման պետական քաղաքականության» մասին:

Այս թեմաները պարբերաբար շոշափվում են Հայաստանում, և փորձը ցույց է տալիս, որ դրանից հետո մեր տնտեսության վիճակը ավելի արագ տեմպերով է վատանում»: