«Էթնիկ զտման միջոցով Արցախն օկուպացրած Ադրբեջանը լկտի հայտարարություն է արել»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ադրբեջանը դատապարտել է Իսրայելի որոշումը՝ ճանաչել Սոմալիլենդը.

Ադրբեջանի ԱԳՆ-ն հայտարարել է, որ լիակատար աջակցում է Սոմալիի ինքնիշխանությունն և տարածքային ամբողջականությունը՝ նրա միջազգային ճանաչված սահմանների շրջանակում։ Գերատեսչությունում ընդգծել են, որ Սոմալիլենդը՝ որպես անկախ պետություն, ճանաչելը հակասում է միջազգային իրավունքի նորմերին և ՄԱԿ-ի Կանոնադրությանը։

Բաքվում հիշեցրել են սեփական «փորձի» մասին և հայտարարել են բոլոր պետությունների տարածքային ամբողջականության պաշտպանության հանդեպ իրենց «հանձնառության» մասին։ Երևի թե չասեմ, թե ինչքան ցինիկ և լկտի հայտարարություն է մի երկրի կողմից, որը էթնիկ զտման և մարդկության դեմ ուղղված հանցագործությունների միջոցով օկուպացրել է Արցախը՝ միաժամանակ օկուպացիայի ենթարկելով ՀՀ ինքնիշխան տարածքն ու նոր հավակնություններ ձևավորելով։

Ու այս երկիրը դեռ մի բան էլ կոչ է արել միջազգային հանրությանը գործել խստորեն միջազգային իրավունքի շրջանակներում»: