Փոխարժեքներ
25 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Հայաստանում քաղաքացիական շարժման զարգացումը փոխկապակցված է ընդդիմության պասիվություն հետ. Այսօր՝ լրագրողների հետ հանդիպաման ժամանակ ասաց ԲՀԿ-ական գործիչ Վարդան Բոստանջյանը:
Նա՝ հասարակության հոգեբանական կաղապարվածության պայմաններում դրական գնահատեց շարժումը, միաժամանակ անտրամաբանական համարելով վերջերս տարածված այն կարծիքը, թե շարժումը հրահրվում է արտաքին ուժերի կողմից, «Արաբական գարնան» սցենարով, կամ էլ այն, թե ներքին անտեսանելի որևէ ուժ է կանգնած այս ամեն ետևում: Իսկ ՀՀՇ-ական գործիչ Հոնհաննես Իգիթյանը քաղաքացիական շարժումը թեպետև գնահատեց դրական, սակայն նշեց դրա՝ հաճախ անարդյունավետ լինելու մասին:
«Ճիշտ է՝ հասարակության որևէ զանգված կարողանում է, իր շահերն առաջ տանելով, վերացնել ինչ-որ փոքր լկտիություն, և սա ինչ-որ տեղ հակակոռուպցիոն պայքար է, սակայն լոկալ, փոքր խնդիրների դեմ ըմբոստությամբ չեն լուծվում շատ ավելի գլոբալ հարցեր, ինչպիսին է օրինակ Ռուսաստանի՝ Ադրբեջանին զանգվածային ոչնչացման զենք վաճառելու խնդիրը»,-նշեց Իգիթյանը:
Ըստ նրա՝ իշխանությունը, անուշադրության մատնած այս գլոբալ հարցերը, զբաղված է մի խումբ ակտիվիստների ձերբակալություններով: Լրագրողների այն հարցին՝ թե ինչու ՀՀՇ-ն՝ որպես ընդդիմադիր ուժ, չի միանում այս շարժմանը, Իգիթյանը պատասխանեց, որ ընդդիմությունը պասիվացել է, քանի որ չի ուզում այս ամենի միջոցով իշխանության գալ և վերջում ընդդիմության նման կեցվածքը որակեց «սխալ»: