Օֆշորի արմատը ''շոր''-ն է, որը դուք շատ եք սիրում. Գալուստ Սահակյան

Այսօր ՀՀԿ ԳՄ նիստից առաջ վարչապետ Տիգրան Սարգսյանն ակնհայտորեն խուսափեց պատասխանել լրագրողների հարցերին: Լրագրողներից մեկի դիտարկմանը, որ կան բազմաթիվ հարցեր, որոնք հետաքրքրում են հասարակությանը եւ առնչվում են կոնկրետ իր անձին, Տիգրան Սարգսյանը կտրուկ արձագանքեց՝ ոչ:

Ուշագրավ է, որ ՀՀԿ ԳՄ նիստից վարչապետը բավականին շուտ գնաց, թեեւ ՀՀԿ-ում ավանդույթ է, որ բոլորը գնում են նախագահի գնալուց հետո:

Երբ Yerkir.am-ի թղթակիցը ԱԺ ՀՀԿ խմբակցության ղեկավար Գալուստ Սահակյանից հետաքրքրվել է, թե ինչու է վարչապետը շուտ գնացել, Սահակյանը նախ հայտարարել է, որ գործեր ուներ, հետո շտապել է ավելացնել, որ նախագահից գնալու թույլտվություն վարչապետը խնդրել է:

«Հավանաբար օշֆորի հետ կապված գործեր կային»,- նշել է մեր թղթակիցը:

«Օշֆորի հետ հիմա մենակ դուք եք կապված, որովհետեւ արմատը շորն է, որը դուք շատ եք սիրում»,- պատասխանել է Սահակյանը: