Դուրս կգան ԲՀԿ-ից, եթե... ՛՛Ժողովուրդ՛՛

Եթե ԲՀԿ-ն աշնանը իշխող կոալիցիայի մաս չկազմի, ԱԺ ԲՀԿ խմբակցության անդամներ Մելիք Մանուկյանը (Շշի Մելո), Հարություն Ղարագյոզյանը (Կարամելի Հարութ) եւ Արագած Ախոյանը պատրաստվում են դուրս գալ կուսակցությունից: «Ժողովուրդ»-ի տեղեկություններով` գործարար պատգամավորներն իրենց շրջապատում հայտարարել են, թե իրենց համար շատ դաժան կլինի, եթե ԱԺ աշնանային նստաշրջանում ԲՀԿ-ն հայտարարի, որ ընդդիմություն է:

Սակայն ԱԺ ԲՀԿ խմբակցության անդամները «Ժողովուրդ»-ի հետ զրույցում հայտարարել են, թե իրականում նման բան չկա: «Ա՜յ քեզ բան, ես պարզ ասում եմ, որ ես «Բարգավաճ Հայաստան» կուսակցության անդամ եմ, ու ԲՀԿ-ն քանի գոյություն ունի, ես կմնամ այդ կուսակցության մեջ: Դե պատերի տակ խոսում են, ես ի՞նչ կարող եմ ասել, չգիտեմ՝ ով ինչ է խոսում, բայց ես նման ձեւով եմ մտածում»,- ասել է նախկին ՕԵԿ-ական, այսօր ԲՀԿ-ական Մելիք Մանուկյանը:

Շարունակությունը կարդացեք «Ժողովուրդ» օրաթերթի այսօրվա համարում: