Իսրայելը բողոք է ներկայացրել Գերմանիայի դեմ

Իսրայելը պաշտոնական բողոք է ներկայացրել ՄԱԿ-ի Անվտանգության խորհրդին Գերմանիայի դեմ: Պատճառն այն է, որ Գերմանիայի գործողությունների հետեւանքով Իսրայելը 2018-ին տեղ չի չունենա ԱԽ-ում` որպես ժամանակավոր անդամ. տեղեկացնում է mignews.com-ը:

Անվտանգության խորհուրդն ունի 5 մշտական անդամ եւ 10` ժամանակավոր, որոնք ընտրվում են Գլխավոր ասամբլեայի կողմից 2 տարին մեկ անգամ: Արաբական պետությունների ճնշման արդյունքում Իսրայելը հեռացվել է ասիական տարածաշրջանի երկրների խմբից եւ տեղափոխվել արեւմտաեվրոպական երկրների խումբ: Անսպասելիորեն Գերմանիան նույնպես առաջադրել է իր թեկնածությունը, թեեւ, ինչպես պնդում է Իսրայելը, այդ երկու երկրների միջեւ պայմանավորվածություն է եղել, որ Գերմանիան չի առաջադրվելու: