Զինծառայողը վարձկան չէ

Արդեն տեղեկացրել ենք, որ այսօր Ազատության հրապարակում նստացույց է սկսել ազատամարտիկ, պահեստազորի գնդապետ Վոլոդյա Ավետիսյանը, ով իշխանություններից պահանջում է վերանայել զինծառայողների կենսաթոշակի հաշվարկման կարգը:

Yerkir.am-ի հետ զրույցում Ավետիսյանը նշեց, որ, այո, պետությունը ֆինանսատնտեսական խնդիրներ ունի, սակայն, մյուս կողմից, այնպես չէ, որ զինծառայողների կենսաթոշակն ավելացնելու հնարավորություն չունի:

«Սոցիալական խնդիրներ ունեմ, եւ այս հարցը կարող է լուծել միայն ՀՀ կառավարությունը` բարձրացնելով մեր թոշակը: Պետությունը պետք է վերանայի օրենքով սահմանված կարգը»,- ասաց Ավետիսյանը:

Ազատամարտիկին են միացել մի խումբ այլ ազատամարտիկներ:

Մանրամասները` տեսանյութում:

Լուսանկարը` news.am-ի: