Շենգավիթի 169 դպրոցի առջեւ ընտրակաշառք են բաժանում

ՀՅԴ նախընտրական շտաբին կից գործող թեժ գիծը վաղ առավոտից ահազանգեր է ստանում ընտրակաշառքի վերաբերյալ:

Այսպես ` քաղաքացին ահազանգում է, որ Շենգավիթ վարչական շրջանի Ավիացիայի թաղամասում` 169 դպրոցի դիմաց գտնվող 5 հարկանի շենքի բակում, 12/20, 12/21 ընտրատեղամասերի ընտրողներին ընտրակաշառք է բաժանվում :

Ահազանգ է ստացվել նաև Կենտրոն համայնքից: Բնակիչներիը հայտնում են, որ մի քանի անձինք` Կենտրոն թաղապետարանի հովանու ներքո, համատիրության միջոցով դիմումներ են հավաքում և գումարներ բաժանում Պուշկինի դպրոցում տեղակայված ընտրատեղամասի ընտրողներին: Նրանց հորդորում են բաց քվեարկել` պատճառաբանելով, թե հանձնաժողովի անդամները պետք է տեսնեն, որ նրանք արդեն քվեարկել են:

6/28,29,30  տեղամասերի  դիմաց կանգնած են մեքենաներ և բնակիչներին ընտրակաշառք են բաժանում: