Տուն` ջրիմուռներից

Համբուրգի կենտրոնում ջրիմուռներից տուն է վեր հառնել: «Կանաչ տան» կառուցման վրա ծախսվել է 5 մլն եվրո, սակայն ոչ գեղեցկության համար. այդ եզակի նախագիծում Էլբա գետում աճող ջրիմուռներով հարյուրից ավելի ակվարիումները ծառայում են ոչ միայն որպես պատեր, այլեւ որպես տաքացուցիչներ. տեղեկացնում է ИТАР-ТАСС-ը:

«Այդ միկրոջրիմուռներն աճում են 10 անգամ արագ, քան ցամաքային բույսերը: Մենք դրանցից կենսազանգված ենք ստանում, դրանից էլ ` ջերմություն: Ցանկանում ենք պարզել, թե ինչպես կարելի է լույսի էներգիան կիրառել այլ տեսակի էներգիա ստանալու համար»,- ասել են նախագծողները:

Կառույցի հիմնական խնդիրը թանկությունն է, սակայն «կանաչ» տեխնոլոգիաները ենթադրում են նման համակարգերի ինքնավարություն. հարկ չի լինի վճարել ջեռուցման, գազի ու լույսի համար:

Շուտով բնապահպանական այդ եզակի նախագիծը կներկայացվի Համբուրգի շինարարական ցուցահանդեսում: