Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
Այս տարվա հունվարի 29-ին Սերժ Սարգսյանը հրամանագիր էր ստորագրել Իտալիայում, Խորվաթիայում, Պորտուգալիայում, Մալթայում և Սլովենիայում ՀՀ արտակարգ և լիազոր դեսպան Ռուբեն Կարապետյանին պաշտոնից ազատելու մասին: Նույն օրվա մեկ այլ հրամանագրով Սերժ Սարգսյանը Իտալիայում ՀՀ դեսպան էր նշանակել Սարգիս Ղազարյանին: «Հայկական ժամանակ»-ին հայտնի է դարձել, որ Ռուբեն Կարապետյանը խիստ վիրավորված է եղել իր պաշտոնանկումից և լքել է հայրենի դիվանագիտական կորպուսը: Բանն այն է, որ Սարգիս Ղազարյանը (ծնված 1978 թվականին, Վանաձորում), ըստ որոշ տեղեկությունների՝ Սերժ Սարգսյանի փեսա Միքայել Մինասյանի ընկերն է: Նորանշանակ դեսպանը Մինասյանի հետ է ուսանել Իտալիայում և 1996 թվականից ի վեր Հայաստանում չի եղել: Դա են վկայում նաև Ղազարյանի կենսագրական տվյալները: Ըստ դիվանագիտական շրջանակների խոսակցությունների՝ Միքայել Մինասյանն անձամբ է այս պաշտոնը դասավորել իր ընկերոջ համար:
Թերթի թղթակիցը երեկ հարց է ուղարկել ՀՀ ԱԳՆ խոսնակ Տիգրան Բալայանին՝ ճի՞շտ է, որ Ռուբեն Կարապետյանը խիստ վիրավորված է հեռացել ԱԳՆ-ից, ինչի պատճառը Միքայել Մինասյանի ընկերոջ նշանակումն է Իտալիայի դեսպանի պաշտոնում: Պատասխան, սակայն, այդպես էլ չի ստացվել: