ՌԴ դեսպանատունը ցավակցում է, իսկ մեր իշխանությունները...

Երեկ լուր ստացանք, որ Շիրակի մարզում` Հովհանի և Վահրամաբերդ գյուղերի միջև ընկած տարածքում՝ ռուսական զորքերի տանկային հրաձգարանի տարածքում, երկու երեխաներ` 15 եւ 12 տարեկան, զինամթերքի պայթյունի զոհ են դարձել:

Այսօր ՀՀ-ում ՌԴ դեսպանատունը հայտարարություն է տարածել` ցավակցելով երեխաների հարազատներին ու ափսոսանք հայտնելով կատարվածի համար: Իրենց հրաձգարանի տարածքում է դեպքը տեղի ունեցել, բնական է, որ մարդիկ պատասխանատվություն են զգում:

Դեպքը տեղի է ունեցել Հայաստանում, բայց մեր երկրի իշխանություններն այդպիսի «մանր-մունր» ցավակցությունների ժամանակ չունեն, պատրաստվում են նախագահի երդման արարողությանը, տոնական տրամադրությունը հո չեն փչացնի: