296 միլիոնանոց գրավի միջնորդությունը մերժվեց

Կենտրոն և Նորք-Մարաշ վարչական շրջանների ընդհանուր իրավասության դատարանն առանց պատճառաբանության մերժեց պետական բյուջեին զգալի վնաս հասցնելու համար մեղադրվող` սոցիալական ապահովության պետական ծառայության Երևան քաղաքի վճարային ծառայության պետ Հ.Գրիգորյանի կալանքը 296 մլն դրամի գրավով փոխելու մասին միջնորդությունը։

Արդեն հայտնել ենք , որ Հովհաննես Գրիգորյանի պաշտպան Արա Զաքարյանը այսօրվա դատական նիստում միջնորդել էր՝ իր պաշտպանյալի նկատմամբ ընտրված խափանման միջոցը՝ կալանավորումը գրավով փոխարինել։ Որպես գրավի ապահովման միջոց` պաշտպանն առաջարկել էր, ընդհանուր առմամբ, 296 մլն 700 հազար դրամի ագրավ, որից 10 միլիոնը դրամի ձևով, իսկ մնացածը՝ անշարժ գույքի։