Դեռևս հայտնի չէ` Րաֆֆի Հովհաննիսյանը կդիմի՞ ՍԴ, թե՞ ոչ

Մեկնարկեց «Ժառանգություն» կուսակցության առաջնորդ Րաֆֆի Հովհաննիսյանի կողմից Ազատության հրապարկում հրավիրված հանրահավաքը:

Հանրահավաքը սկսվեց Ր. Հովհաննիսյանի խոսքով, այնուհետև հավաքվածները երգեցին ՀՀ օրհներգը:

Հովհաննիսյանն իր ելույթում Ազատության հրապարակ հրավիրեց Սերժ Սարգսյանին, վարչապետ Տիգրան Սարգսյանին և առաջարկեց հաշվետվություն տալ ժողովրդի առաջ, իսկ Երևանի քաղաքապետ Տարոն Մարգարյանին` հրաժարվելու իր պաշտոնից:

Ինչ վերաբերում է Սահմանադրական դատարան դիմելուն, ապա Րաֆֆի Հովհաննիսյանը նշեց, որ դեռևս այդ հարցը չի որոշվել և դրա վերջնական պատասխանը կտրվի երկուշաբթի օրը:

«Եթե դիմենք, ապա դա պետք է համարվի Սահմանադրական դատարանի, դատավորների վերջին հնարավորությունը` ժողովրդի առաջ սպիտակերես դուրս գալու» ,- ասաց Ր. Հովհաննիսյանը: