Զոհված ազատամարտիկների մայրերը սատարում են Սերժ Սարգսյանին

Զոհված ազատամարտիկների մայրերի եւ կանանց հանրապետական խորհուրդը սատարում է Սերժ Սարգսյանին:

«Ապահով Հայաստանը մեր այսօրվա ամենակարեւոր հրամայականն է արտաքին ու ներքին մարտահրավերներին դիմակայելու եւ երկիրն անցնցում դեպի ժողովրդավարություն տանելու ճանապարհին:

Ապահով Հայաստանը՝ պատերազմը մերժող ու խաղաղության ձգտող Հայաստանն է, յուրաքանչյուրիս եւ հատկապես զինվորի՝ հայ զինվորի անվտանգության երաշխիքը:

Միայն պատերազմ  տեսած ու պատերազմով անցած մարդը առավելապես գիտի խաղաղության գինը, եւ այն պահպանելու անհրաժեշտությունը, իսկ Սերժ Սարգսյանն անցել է այդ ճանապարհը զինվորից մինչեւ հրամանատար եւ Գերագույն գլխավոր հրամանատար:

Նա եղել է մեր որդիների մարտական ընկերը, զինակիցն ու հրամանատարը:

Ապահով Հայաստան՝ նշանակում է խաղաղ եւ ուժեղ Հայաստան, ինքնորոշման իրավունքով ապրող ազատ Արցախ: Մենք այսպիսի Հայաստանի կողմնակիցն ենք:

Հետեւաբար 2013թ. Նախագահական ընտրություններում պաշտպանելու ենք գործող նախագահ, ՀՀ նախագահի թեկնածու Սերժ Սարգսյանի թեկնածությունը»,- ասված է նրանց տարածած հայտարարության մեջ: