Զոհված զինծառայողների մայրերը պահանջում են Նիկոլ Փաշինյանի հրաժարականը

Միացեք մի լռեք։ Մենք մեղավոր ենք մեր անտարբերությամբ և հարմարվելով։ Այս մասին գրել է 44-օրյա պատերազմում զոհված զինծառայող Աբգար Նազարյանի մայրը:

«Ես՝ Արցախյան 44-օրյա պատերազմի անմահ հերոս  Աբգար Նազարյանի  մայր Նաիրա Նազարյանը պահանջում եմ Հայաստանի Հանրապետության իշխանության աթոռը զավթած, ստահակ Նիկոլ Փաշինյանի  հրաժարականը: Նրա կառավարման տարիներին Հայաստանը  միայն պարտվել է, նվաստացվել է և զոհել է իր երիտասարդ սերնդին: Նա ասում է, որ եթե ժողովուրդը որոշի ինձ գնդակահարել, ես պատրաստ եմ։

Եկեք «գնդակահարե՛նք» ներսի տականքին, որպեսզի վաղը Եռաբլուրը և Հայաստանի պանթեոնները չհանձնի թուրքին»,- գրել է նա:

Այս կոչին միացել և շարունակում են միանալ Արցախյան 44-օրյա պատերազմի անմահ հերոսների ծնողները։ Նրանց թվում է Մելանյան Արոյանը՝ Ազիզ Աղաջանյանի մայրը, Ելիզավետա Բուդաղյանը՝ Արման Օհանջանյանի մայրը։