Հինգ րոպե` ահազանգից` դեպքի վայր

ՀՀ ոստիկանությունում ահազանգից մինչև դեպքի վայր ժամանակը կրճատելու համար բացվել է հատուկ կառավարման կենտրոն:

Ոստիկանության լրատվական բաժնից հայտնում են, որ երեկ ՀՀ ոստիկնապետ Կենտրոնը, որի խնդիրը ահազանգից մինչև պարեկախմբի՝ դեպքի վայր հասնելու ժամանակահատվածի առավելագույն կրճատումն է, գործում է համակարգչային իրազեկման ու վերլուծության հիման վրա: Մասնավորապես, ահազանգի հեռախոսահամարով համակարգիչն արձանագրում է տեղեկատուի հասցեն, ապա՝ նրա նշած վայրը, որը հայտնվում է մայրաքաղաքի քարտեզի վրա՝ ներկայացնելով նաև տարածքում գտնվող պարեկային մեքենաները:

Ամենամոտ պարեկախմբին դեպքի վայր մեկնելու հրահանգ տալով, կենտրոնը տվյալները փոխանցում է ոստիկանության տարածքային ստորաբաժանում: Ներկայումս կառավարման կենտրոնից հրահանգավորվող պարեկախմբերը դեպքի վայր են հասնում միջինը հինգ րոպե անց, որը հնարավորությունների սահմանը չէ: Այս ժամանակահատվածը կենտրոնի տեխնիկական զարգացման և պարեկախմբերի քանակի մեծացման շնորհիվ կկրճատվի: