Քննությունները ստանալու ամենահեշտ տարբերակը

Facebook-ում օգտատերերից մեկը պնդում է, թե գտել է քննությունները ստանալու ամենահեշտ տարբերակը. այն արժե 15 000 դրամ: Օգտատերն առաջարկում է իրենից գնել 2,5-3,5 մմ տրամագծով փոքր ականջակալ: Այն կարելի է տեղադրել ականջում, իսկ դրսից  ինչ-որ մեկը հեռախոսով կարող է թելադրել պատասխանը: Ականջակալը հեռախոսին միանում է փոքրիկ ալեհավաքով, այսինքն` «բռնվելու ձեւ չունեք»:

Հավանաբար, օգտատերն ինքը ժամանակին նման միջոցներով է քննությունները հանձնել, դրա համար էլ առաջարկում է իրենից գնել, ինչպես ինքն է նշում` «նաուշնիկ»: Հարգելի օգտատեր, եթե ժամանակին ինչպես հարկն է սովորած լինեիք, դժվար թե հիմա «նաուշնիկների բիզնեսով» զբաղվեիք: