Ավտոմեքենան բախվել է կամրջի արգելապատնեշին և բռնկվել

Դեկտեմբերի 27-ին` ժամը 05:59-ին, ԱԻՆ-ում ահազանգ է ստացվել, որ Երևանի Հալաբյան փողոցի և Կիևյան կամրջի խաչմերուկում տեղի է ունեցել ՃՏՊ, կա տուժած, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ և ՃԿԿ ԱԻ արձագանքման խումբը` պարամեդիկներով: 

Պարզվել է, որ դեռևս չբացահայտված հանգամանքներում «Ֆոլքսվագեն Գոլֆ» մակնիշի 32 ՕU 250 պ/հ ավտոմեքենան բախվել է կամրջի արգելապատնեշին և բռնկվել: Այրվել է ավտոմեքենայի շարժիչի խցիկը:

Մինչ հրշեջ-փրկարարների ժամանումը` վարորդը` 1974 թ. ծնված Հ. Ղազարյանը, տարբեր աստիճանի մարմնական վնասվածքներով տեղափոխվել է «Արմենիա» բժշկական կենտրոն:

Ըստ բժշկի` տուժածի առողջական վիճակը ծանր է: