Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Արդեն տեղեկացրել ենք, որ առաջիկա նախագահական ընտրություններում ՀՅԴ-ն թեկնածու չի առաջադրելու եւ, բացառելով իշխանության թեկնածուին աջակցելը, լիազորել է Գերագույն մարմնին` հետևել նախընտրական գործընթացներին և կողմնորոշել ՀՅԴ կազմակերպական կառույցին ու համակիրներին։ Այսօր լրագրողների հետ հանդիպման ժամանակ ԱԺ ՀՅԴ խմբակցության քարտուղար Աղվան Վարդանյանը պարզաբանեց, թե ինչու ՀՅԴ-ն չբոյկոտեց ընտրությունները:
«Բոյկոտը, եթե իմաստ ունի, ապա մի պարագայում` եթե դա ընդհանուր, առնվազն ընդդիմադիր ուժերի բոյկոտ է: Բայց, ցավոք, հենց սկզբից էլ ակնհայտ էր, որ ՀՀ-ում` կախված տարբեր գործոններից, մարդկանց նպատակներից եւ ամբիցիաներից, նման համընդհանուր բոյկոտ հնարավոր չէ»,- հայտարարեց նա:
Ընտրությունները չբոյկոտելու հաջորդ պատճառն, ըստ ՀՅԴ-ական պատգամավորի, այն էր, որ թեեւ իրենք մատնանշում են ընտրությունների ստվերայնությունը, բայց մյուս կողմից` լինելով քաղաքական ուժը, իրավունք չունեն բոյկոտով վերջնականապես վարկաբեկել ընտրության ինստիտուտը:
«Ի վերջո, փոփոխությունների միակ, օրինավոր ճանապարհը ընտրություններն են, եւ մենք չէինք կարող նման շռայլություն մեզ թույլ տալ, որովհետեւ պատասխանատու եւ պետության ապագայով մտահոգ ուժ ենք»,- ընդգծեց Վարդանյանը: