Ահմեդին չեն թողել զրուցի Աստծո հետ

Շարմ աշ Շեյխ քաղաքից Կահիրե թռչող օդանավի ուղևորներից մեկը թռիչքի ժամանակ փորձել է բացել օդանավի դուռը և խոսել Աստծո հետ` 8000 մետր բարձրության վրա:

РИА Новости գործակալությունը տեղեկացնում է, որ Եգիպտոսի քաղաքացի Աբդալլահ Սեյիդ Ահմեդին զրկել են «խոսքի ազատության իրավունքից» ինքնաթիռի անվտանգության աշխատակիցները` նրան կապկպելով:

Ինքնաթիռում գտնվել է 144 ուղևոր, որոնք նույնպես խոչընդոտել են Ահմեդի` կարեւոր զրույցն իրագործելու փորձին: Վայրէջք կատարելուց րոպեներ անց նրան հանձնել են իրավապահ մարմիններին:

Ահմեդը հարցաքննության ժամանակ նշել է, որ ինքն ավարտել է առեւտրային քոլեջը, մեկ շաբաթ առաջ կորցրել է լավ աշխատանքը և վերադառնում էր հայրենի գյուղ: «Թռիչքի ժամանակ նյարդային խանգարում սկսվեց մոտս, ես էլ որոշեցի Աստծուց օգնություն խնդրել»,- ասել է նա:

Ներկայումս Աստծո փոխարեն Ահմեդին օգնում են հոգեբանները: