Չնայած հերքումներին` դեռ սպասում են Բեռլուսկոնիի հրաժարականին

Թեեւ Իտալիայի վարչապետ Սիլվիո Բեռլուսկոնին հերքել է իր հրաժարականի մասին լուրերը, սակայն Financial Times-ը, հղում անելով իր աղբյուրներին,  գրում է, որ նա իր պաշտոնը կլքի առաջիկայում:

Իտալական իշխանություններն էլ արդեն նրա հրաժարականից հետո գործողությունների երեք սցենար են կազմել:

Համաձայն առաջին սցենարի` նոր կառավարության ղեկավար է նշանակվելու Բեռլուսկոնիի կողմնակիցներից Ջաննի Լետան:

Երկրորդ սցենարի համաձայն` կառավարության ղեկավար կդառնա նախկին վարչապետ Ջուլիանո Ամատոն կամ նախկին եվրակոմիսար Մարիո Մոնտին:

Երրորդ սցենարով`Բեռլուսկոնին կշարունակի մի քանի օր էլ իր պաշտոնում մնալ մինչեւ տնտեսական բարեփոխումների ծրագրերը հաստատումը խորհրդարանի կողմից: