Թուրքիան խնդրում է ԱՄՆ-ի բարեխոսությունը

Եվրամիությանը անդամակցելու բանակցություններում Թուրքիայի գլխավոր բանագնաց, պետնախարար Էգեմեն Բաղըշը հանդիպել է Թուրքիա այցելած ԱՄՆ կոնգրեսականների հետ. տեղեկացնում է «Անադոլու» գործակալությունը:

Պետնախարարն առանձնահատուկ նշել է թուրք-ամերիկյան հարաբերությունների կարեւորությունը, ընդգծել, որ ժողովրդավարության, մարդու իրավունքների հարգման, խոսքի ազատության եւ մի շարք այլ հարցերում երկու երկրների դիրքորոշումները համընկնում են:

Նա հիշեցրել է, որ ԱՄՆ-ը աջակցում է Թուրքիային ԵՄ-ին անդամակցելու գործընթացում, եւ խնդրել է միջնորդել Կիպորսի հիմնախնդրի կարգավորմանը, նաեւ համոզել Եվրամիությանը` այդ հիմնախնդրի պատճառով չխոչընդոտել իրենց անդամակցության գործընթացին: