Կառավարության անդամների առաջին մեկնաբանությունները Համայն Վրաստանի կաթողիկոս-պատրիարք Իլյա II-ի մահվան կապակցությամբ

Վրաստանի կառավարության անդամները ցավակցություն են հայտնել Համայն Վրաստանի կաթողիկոս-պատրիարք Իլյա II-ի մահվան կապակցությամբ:

Առողջապահության նախարար Միխեիլ Սարջվելաձե. «Ես իմ անկեղծ ցավակցությունն եմ հայտնում վրաց ժողովրդին այս ծանր կորստի կապակցությամբ, որի նմանը ես երբեք չեմ տեսել իմ ողջ կյանքում։ Վրաստանը վաղվանից տարբեր կլինի։ Առանց մեր սիրելի պատրիարքի մեզ բոլորիս համար շատ դժվար կլինի»։

Պաշտպանության նախարար Իրակլի Չիկովանի. «Սա կորուստ է ոչ միայն Վրաստանի, այլև ամբողջ աշխարհի, ուղղափառ աշխարհի համար։ Վրաստանի յուրաքանչյուր քաղաքացի լի է այն շնորհով, որը այս մեծ մարդը ուներ մեզանից յուրաքանչյուրի համար»։

Հավելենք, որ Վրաստանում հայտարարվել է սգո օր։

Կառավարության որոշմամբ, երկրի վարչական շենքերի վրա գտնվող պետական ​​դրոշները կիսով չափ կիջեցվեն։

Հիշեցնենք՝ 93 տարեկանում մահացել է Վրաստանի կաթողիկոս-պատրիարք Իլյա Երկրորդը:

Նա Վրաց ուղղափառ եկեղեցին գլխավորում էր 1977 թ.-ից։ Մինչև նոր առաջնորդի ընտրությունը Վրաց ուղղափառ եկեղեցին կղեկավարի պատրիարքական աթոռի փոխանորդ Շիո Մուջիրին։