Գերմանիան ԱՄՆ-ին խնդրում է պատժամիջոցներ չկիրառել «Հյուսիսային հոսք-2»-ի դեմ

Վաշինգտոնում Գերմանիայի դեսպանատունը կոչ է արել ԱՄՆ Կոնգրեսին՝ սահմանափակող միջոցներ չկիրառել «Հյուսիսային հոսք-2» գազատարի դեմ։ Այս մասին հայտնում է Axios-ը՝ հղում անելով իր ձեռքում հայտնված ոչ պաշտոնական փաստաթղթին։

Գերմանական իշխանություններն իրենց ամերիկացի գործընկերներին ասել են, որ գազատարի և դրա հետ կապված ընկերությունների դեմ ուղղակի կամ անուղղակի պատժամիջոցների կիրառումը կթուլացնի վստահությունը ԱՄՆ-ի նկատմամբ և, «ի վերջո, կվնասի անդրատլանտյան միասնությանը»։

Փաստաթղթում ասվում է, որ այժմ գազատարը վտանգ չի ներկայացնում Ուկրաինայի համար, «քանի դեռ երաշխավորված է գազի ողջամիտ տարանցումը» այդ երկրի տարածքով։ Դա նաև ենթադրում էր, որ «Հյուսիսային հոսք-2»-ի դեմ ԱՄՆ-ի հնարավոր պատժամիջոցները կարող են լինել «Պուտինի հաղթանակը», քանի որ սահմանափակումները կխաթարեն հարաբերությունները արևմտյան դաշնակիցների հետ: