Մահացել է "Արայ" ընկերության սեփականատերը

Հայաստանի ոստիկանությունից հայտնում են, որ Կոտայքի մարզում հոկտեմբերի 16-ին մահացել է «Արայ» ընկերության սեփականատեր Արմեն Պետրոսյանը:

Անհայտ անձի ահազանգից հետո օպերատիվ խումբը Արմեն Պետրոսյանի դին հայտնաբերել է Սեւան-Երեւան մայրուղու մերձակայքում` Գետամեջ գյուղի ճանապարհին, նրան պատկանող BMW X5 ավտոմեքենայում:

Ոստիկանության աղբյուները հայտնում են, որ մահացածի ձեռքին եղել է TT մակնիշի ատրճանակ, եւ ըստ նախնական վարկածի` Արմեն Պետրոսյանն ինքնասպան է եղել: Նրա քունքի մասում հրազենային վնասվածք է եղել, իսկ աջ ձեռքի մատը եղել է ատրճանակի ձգանին:

Ոստիկանության աշխատակիցները մեքենայում նաեւ հայտնաբերել են «Բրաունինգ» ատրճանակ, մեծ քանակությամբ փամփուշտներ եւ մեկ կրակված պարկուճ:

Աբովյանի քննչական բաժանմունքում հարուցվել է քրեական գործ՝ Հայաստանի քր.օր.-ի 110 հոդվածի 1-ին մասի (Ինքնասպանության հասցնելը) եւ 235 հոդվածի 1-ին մասի (Ապօրինի զենք-զինամթերք) հատկանիշներով:

Լուսանկարը` Գագիկ Շամշյանի