Բրիտանիայում արգելել են եթեր հեռարձակել U2 խմբի լիդերի սոցգովազդը

U2 ռոք խմբի լիդեր Բոնոյի կողմից նկարահանված սոցիալական գովազդը արգելվել են եթեր հեռարձակել հեռուստաալիքներով, քանի որ այն կարող է խախտել քաղաքական գովազդի համար սահմանված կանոնները: Այն նույնիսկ անհեթեթ է համարվել:

Ինչպես հաղորդում է BBC-ն, կարճամետրաժ ֆիլմը Բոնոյի կազմակերպած «Այլեւս ոչ մի սովահար» արշավի մի մասն է: Այս արշավի միջոցով Բոնոն կառավարությանը ստիպում է պայքարել սովի դեմ Աֆրիկայում:

Տեսահոլովակում նկահարանվել են հենց Բոնոն եւ համաշխարհային մի քանի աստղեր` Ջորջ Քլունին, Քոլին Ֆարելը եւ Քրիստին Դեւիսը:

Գովազդի եթեր հեռարձակման թույլտվություն տվող Clearcast ընկերության մամուլի խոսնակը հայտարարել է, թե տեսանյութում կան մի քանի արտահայտություններ, որոնք քաղաքական բնույթ ունեն, եւ որ հեռուստաընկերությունը հեռարձակի այն, կտուգանվի եւ նույնիսկ կարող է զրկվել հեռարձակման լիցենզիայից: