Առաջարկում են ԱԺ նիստերը on-line հեռարձակել

ԱԺ «Ժառանգություն» խմբակցության պատգամավորները առաջարկում են խորհրդարանի նիստերը on-line հեռարձակել: Նրանք հանդես են եկել «Ազգային ժողովի կանոնակարգ» ՀՀ օրենքում լրացում եւ փոփոխություն կատարելու օրենսդրական նախաձեռնությամբ:

Ինչպես նշված է կուսակցության հաղորդագրության մեջ, նախագծի ընդունումը կնպաստի Ազգային ժողովի գործունեության մասին հասարակության իրազեկվածության, ինչպես նաեւ խորհրդարանի հեղինակության ու վստահության բարձրացմանը:

Խմբակցության կարծիքով` Ազգային ժողովի նիստերի on-line հեռարձակումը պետք է իրականացվի www.parliament.am պաշտոնական ինտերնետային կայքի միջոցով:

Ըստ «Ժառանգության»` ԱՄՆ-ի, Լատինական Ամերիկայի, Եվրոպական Միության անդամ երկների խորհրդարանները, օգտագործելով համաշխարհային համակարգչային ցանցի ռեuուրuները, իրականացնում են նիստերի համացանցային հեռարձակում (Live Webcasting, Web TV), որի նպատակն է ապահովել օրենսդիր մարմինների գործունեության թափանցիկությունը եւ հրապարակայնությունը:

Դռնբաց նիստերի համացանցային հեռարձակման պրակտիկան կիրառվում է նաեւ Եվրախորհրդարանի եւ Եվրոպայի խորհրդի լիագումար նիստերի ընթացքում: