Հայաստանում կբացվի Քուվեյթի դեսպանատուն

Այսօր կայացել է հայ-քուվեյթական միջկառավարական հանձնաժողովի առաջին նիստը, որը գլխավորել են ՀՀ փոխվարչապետ Արմեն Գևորգյանը եւ Քուվեյթի ֆինանսների նախարար Մուստաֆա Ջասեմ ալ Շամալիին:

ՀՀ փոխվարչապետը լրագրողների հետ ճեպազրույցում հայտնել է, որ իրենք քննարկել են տնտեսական, առեւտրային, ներդրումային, գիտատեխնիկական, կրթական ու մշակութային ոլորտներում համագործակցության ներկա վիճակը եւ զարգացման հեռանկարները:

Նա նաեւ տեղեկացրել է, որ Հայաստանում կբացվի Քուվեյթի դեսպանատուն, իսկ դեսպանը Երեւանում կլինի մինչեւ տարեվերջ:

Քուվեյթի ֆինանսների նախարար Մուստաֆա Ջասեմ ալ Շամալիին իր խոսքում հայտնել է, որ երկկողմ հարաբերությունների հիմքը դրվել է դեռեւս երեք տարի առաջ, երբ ՀՀ նախագահն այցելել է Քուվեյթ:

Նշենք, որ քննարկումների արդյունքում ստորագրվել է «ՀՀ կառավարության եւ Քուվեյթի Հանրապետության կառավարության միջեւ օդային հաղորդակցությունների մասին» համաձայնագիրը: