Սերժ Սարգսյանն այցելել է ՉԺՀ դեսպանատուն

Չինաստանի Ժողովրդական Հանրապետության կազմավորման 62-րդ տարեդարձի կապակցությամբ ՀՀ նախագահ Սերժ Սարգսյանն այսօր այցելել է Հայաստանի Հանրապետությունում ՉԺՀ դեսպանատուն: Հանրապետության ղեկավարը տոնի կապակցությամբ հայ ժողովրդի և անձամբ իր անունից շնորհավորել է դեսպան Թիան Չանչունին և դեսպանատան անձնակազմին, բարեմաղթանքներ հղել նրանց և Չինաստանի ամբողջ ժողովրդին:

Սերժ Սարգսյանը նշել է, որ Հայաստանը բարձր է գնահատում ՉԺՀ-ի հետ հարաբերություններն ու շահագրգռված է դրանց հետագա խորացմամբ: Նախագահի մամլո գրասենյակից տեղեկացնում են, որ դեսպան Թիան Չանչունը և Սերժ Սարգսյանը քննարկել են երկու երկրների միջև համագործակցության ընդլայնման, Հայաստանում չինական ընկերությունների կողմից ներդրումներ կատարելու հետաքրքրվածության հետ կապված հարցեր:

ՉԺՀ դեսպանը շնորհակալություն է հայտնել նախագահին դեսպանատուն կատարած այցի և ջերմ բարեմաղթանքների համար: