ՀՀ ոստիկանապետը` Ամսվա մարդ

«Հանուն ապագայի» քաղաքացիական նախաձեռնությունը Ամսվա մարդ է ճանաչել ՀՀ ոստիկանապետ Ալիկ Սարգսյանին:

Ըստ կազմակերպության` ոստիկանապետը սեպտեմբերին ամենաարդյունավետ աշխատանքը ցուցադրած պետական գերատեսչության ղեկավարն է:

«Ամսվա մարդ» անվանակարգն այսուհետ տրվելու է պետական կառավարման եւ տեղական ինքնակառավարման ոլորտներում, հասարակական եւ քաղաքական կյանքում ամենաակտիվ, նշանակալի եւ արդյունավետ գործունեություն ծավալած անձանց. նշվում է քաղաքացիական նախաձեռնության հաղորդագրության մեջ:

Հաշվի առնելով զբաղեցրած պաշտոնի առանձնահատկությունները` անվանակարգին ի պաշտոնե չեն մասնակցելու ՀՀ նախագահը, վարչապետը,  Ազգային ժողովի նախագահը: