Վանաձորից Երեւան մեկնող երթուղայիններն "անհետացել են"

Վանաձորի կենտրոնական ավտոկայանում Երեւան մեկնող երթուղայիններ չկան: Պատճառը պարզ է` Երեւանում ՀԱԿ-ը շուրջօրյա հանրահավաքներ է սկսել:

Վաղ առավոտից ավտոկայանում հավաքված վանաձորցիները yerkir.am-ի թղթակցի հետ զրույցում զայրացած ասել են, որ անգամ տեղյակ չեն հանրահավաքից ու մայրաքաղաք են մեկնում անձնական գործերով: «Վանաձոր» տաքսի ծառայության մեքենաներն էլ, օգտվելով ստեղծված իրավիճակից, կրկնակի ու եռակի բարձրացրել են ուղեւորավարձը:

Ավտոկայանի տնօրենից մեկնաբանություններ ստանալու` yerkir.am-ի թղթակցի բոլոր ջանքերն ապարդյուն են անցել. ինչպես սովորաբար լինում է հանրահավաքների օրերին, տնօրենը աշխատավայրում չէ, բջջային հեռախոսն էլ անջատված է: