Նշում ենք Վարագա Սուրբ Խաչի տոնը

Սեպտեմբերի 25-ին Հայ Առաքելական եկեղեցին նշում է Վարագա Սուրբ Խաչի տոնը:

Այսօր լրագրողների հետ հանդիպման  ժամանակ Նուբարաշեն համայնքի հոգևոր հովիվ Տեր Նիկողոս քահանա Հովհաննիսյանը պատմեց, որ գոյություն ունի խաչի 4 տոն, որոնցից  մեկն էլ սա է: Տոնը նշում են սեպտեմբերի վերջին շաբաթը կամ հոկտեմբերին: Այն համարվում է նաև պահքի շրջան, քանի որ տոնի կապակցությամբ 1 շաբաթ պահք է պահվում` «Վանցոց պահքը»:

Քահանան պատմեց նաև, որ այս տոնը հայերը մշտապես մեծ շուքով են նշել. «Եկեղեցիներն այդ օրը լիքն են լինում, բայց այն մեծ շուքով է նշվում հատկապես Վարագա վանքում»:

Լրագրողների հարցին, թե այդ տոնի կապակցությամբ Վարագա վանք Հայաստանից պատվիրակություն մեկնելո՞ւ է, քահանան պատասխանեց, որ տեղյակ չէ: