Վաղը Չունցյու է

Սեպտեմբերի 13-ին Երեւանի պետական լեզվաբանական համալսարանի ուսանողները կազմակերպում են  Լուսնին նվիրված  չինական տոնակատարություն, որը տեղի կունենա Կարապի լճի տարածքում:

Լուսնի տոնը Չինաստանում անվանում են «չունցյու», այսինքն` միջին աշուն, որն, ըստ լուսնային օրացույցի, նշվում է 8-րդ ամսի 15-րդ օրը:

Լուսնի տոնն առաջացել է դեռևս Թան արքայատոհմի գահակալության օրոք և կարևոր տեղ է զբաղեցնում չինական օրացույցում, քանի որ համարվում է Լուսնի աստծուն երկրպագելու օր: Ըստ ավանդույթի` չինացիները տոնակատարության ժամանակ համտեսում են քաղցր կարկանդակներ և ընթերցում բանաստեղծություններ լուսնի լույսի ներքո, որն այդ օրը ամենապայծառն է: Լուսնային բլիթները հիշեցնում են չին ժողովրդի ապստամբությունը ընդդեմ մոնղոլական նվաճողների: Ամենուրեք գույնզգույն լապտերիկներ են վառում հանրային այգիներում և մարգագետիններում: