Փոխարժեքներ
23 10 2024
|
||
---|---|---|
USD | ⚊ | $ 387.67 |
EUR | ⚊ | € 417.83 |
RUB | ⚊ | ₽ 4.01 |
GBP | ⚊ | £ 503.04 |
GEL | ⚊ | ₾ 142.04 |
Պաշտպանության նախարարության արձագանքը` կապված «Չենք լռելու» երիտասարդական նախաձեռնության տարածած տեսանյութի հետ, արդեն այսօր կներկայացվի լրատվամիջոցներին. անդրադառնալով Արարատ քաղաքից հնչած ահազանգին` yerkir.am-ին ասաց ՀՀ ՊՆ մամուլի խոսնակ Դավիթ Կարապետյանը:
«Այս պահին ոչինչ չեմ կարող ասել, քանի որ դա շատ պատասխանատու հայտարարություն կլինի: Մենք դեռեւս սպասում ենք բժշկական փորձաքննության արդյունքներին»,- նշեց Դ. Կարապետյանը:
Հիշեցնենք, որ «Չենք լռելու» երիտասարդական նախաձեռնությունն այսօր համացանցով տարածել է մի տեսանյութ, որը պատմում է Արարատ քաղաքի բնակիչ, 20-ամյա զինվոր Հովհաննես Վարդանյանի հետ բանակում կատարված սարսափելի դեպքի մասին:
Նախաձեռնության տարածած հաղորդագրության համաձայն` օգոստոսի սկզբին Ասկերանում արդեն 14 ամիս ծառայող զինվոր Հովհաննես Վարդանյանի հայր Վարդան Վարդանյանը հեռախոսազանգ է ստանում որդու բանակային ընկերներից, ովքեր հայտնում են, որ Հովհաննեսն արդեն 9 օր է` խելագարված վիճակում գտնվում է Նորքի հոգեբուժարանում:
Ենթադրվում է, որ զինծառայողը բանակում բռնության եւ ճնշումների է ենթարկվել, ինչն էլ նրան խելագարության է հասցրել:
Հետաքրքիրն այն է, որ ՊՆ-ը միայն «Չենք լռելու»-ի ահազանգից հետո է որոշել անդրադառնալ գործի մանրամասներին, թեեւ դեպքը տեղի է ունեցել օգոստոսին: