Սպասվում են նոր ձերբակալություններ

«Եղնիկներ» զորամասում Աղասի Աբրահամյանի սպանության գործի շրջանակներում նախապատրաստվում են նյութեր` դեպքին մասնակից այլ անձանց ևս ձերբակալելու համար։ Ինչպես այսօրվա ասուլիսում նշեց զինադատախազ Գագիկ Կոստանյանը, յուրաքանչյուր անձ, դեպքի յուրաքանչյուր մասնակից խստագույնս ենթարկվելու է պատասխանատվության՝ անկախ կոչումից, դիրքից։

«Ես կարող եմ երաշխավորել, որ որևէ հովանավորչության մասին խոսք լինել չի կարող, քանի որ սա ոչ միայն հանցագործություն է, այլև անբարոյականություն»,- ասաց Կոստանյանը և հավելեց, որ ինքն անձամբ է ստանձնել գործի օպերատիվ, բազմակողմանի, լիարժեք քննությունը։

Այս պահին արդեն կան մեղադրյալներ, կալանավորված անձ, և կասկածյալների ու մեղադրյալների թիվը դեռ կավելանա։