6-ամյա հայորդին բարձրացել է Արարատը

6-ամյա Ամատունի Ղայֆաջյանը բարձրացել է Արարատի երկու գագաթն էլ` օգոստոսի 14-ին` Մասիսը, օգոստոսի 20-ին` Սիսը: Դա աշխարհում լեռնագագաթների հաղթահարման բացարձակ ռեկորդ է նման տարիքում:

Փոքրիկին ուղեկցել նրա հայրը` հայտնի լեռնագնաց Սերգեյ Ղայֆաջյանը, որը մի քանի անգամ բարձրացել է Արարատը, իսկ 2004 եւ 2010 թվականներին հաղթահարել է Պամիրի` մինչ այդ չնվաճված երկու գագաթներ` դրանք առաջամարտիկի իրավունքով կոչելով Հայաստանի գագաթ (5495 մ) եւ Ազնավուրի գագաթ (5250 մ):

Ինչպես տեղեկացնում է armtoday.info-ն, Ուկրաինայում ապրող հայ եւ որդի Ղայֆաջյաններին հովանավորում է գործարար Օլեգ Մկրտչյանը:

Ի դեպ, 2001-ին «Երեւան» հեռուստաֆիլմերի ստուդիայում Տիգրան Խզմալյանը նկարահանել է «5165» ֆիլմը` նվիրված Սերգեյ Ղայֆաջյանին: