"Արարատը" մնաց առանց մարզչի

Բարձրագույն խմբում տեղի կունենա առաջին մարզչական փոփոխությունը. «Արարատի» գլխավոր մարզիչ Տիգրան Եսայանը երեկ հրաժարականի դիմում է ներկայացրել, որը մակագրվել է ղեկավարության կողմից:

Հիշեցնենք, որ Տիգրան Եսայանը «Արարատի» ղեկը ստանձնել էր նախորդ տարի: Իսկ այդ տարի «Արարատը» հանդես չեկավ բարձրագույն խմբում: Առանձնակի տեղաշարժեր չկան այս տարի էլ. ակումբը գոնե Հայաստանի սահմաններում ուսումնամարզական հավաք չի անցկացնում:

Եսայանը մինչև վերջին պահը չէր կորցնում լավատեսությունը, որ, այնուամենայնիվ, թիմի ղեկավարության կողմից գործնական քայլեր կձեռնարկվեն, սակայն սպասելիքները չարդարացան, և մարզիչը ստիպված հրաժարական ներկայացրեց: