ԱՄՆ-ը մտադիր է վերակենդանացնել Թուրքիայի եւ Հայաստանի մերձեցման գործընթացը

Թուքրիայի արտգործնախարար Ահմեդ Դավութօղլուն եւ ԱՄՆ պետքարտուղար Հիլարի Քլինթոնը Ստամբուոլում հանդիպման ժամանակ մանրամասն քննարկել են Ղարաբաղյան հակամարտության կարգավորման գործընթացում ստեղծված իրավիճակը. տեղեկացնում են թուրքական լրատվամիջոցները:

Հանդիպման հաջորդած մամուլի ասուլիսի ժամանակ նշվել է, որ կարծիքներ են փոխանակվել նաեւ հայ-թուրքական հարաբերությունների վերաբերյալ: Քլինթոնը հայտարարել է, որ ԱՄՆ-ը մտադիր է «վերակենդանացնել Թուրքիայի եւ Հայաստանի մերձեցման գործընթացը եւ ոգեւորել կողմերին` շարունակել այն»:

Պետքարտուղարն անդրաարձել է նաեւ Թուրքիայում տասնյակ լրագրողների ձերբակալություններին, եւ նշել, որ դա չի համապատասխանում երկրի տնտեսական եւ քաղաքական առաջընթացին:

Միաժամանակ նա հայտարարել է, որ Թուրքիան արաբական աշխարհի համար մոդել կարող է լինել` որպես ժողովրդավար երկիր:

Ըստ ԱՄՆ պետքարտուղարի` Թուրքիան «շատ դասեր պետք է տա» եւ ոգեւորի Եմենին, Եգիպտոսին, Թունիսին, Սիրիային, որոնք բարեփոխումների են ձգտում. տեղեկացնում են թուրքական լրատվամիջոցները: