ԼՂ հակամարտությունը մնացել է պատմության մեջ, Ադրբեջանում չկա նման տարածք, ով ուզում է վերակենդանացնել մահացածին, թող իր տարածքում ստեղծի նման կազմավորում. Ալիև

Ադրբեջանի նախագահ Իլհամ Ալիևը իր սեփական ժողովրդին ուղղված հայտարարության մեջ հերթական անգամ հայտարարել է, որ Լեռնային Ղարաբաղի հակամարտությունը վերջնականապես լուծված է։

«Ադրբեջանը վերականգնել է իր տարածքային ամբողջականությունը: Մենք հակամարտությունը կարգավորեցինք ռազմաքաղաքական միջոցներով, պատերազմը մնաց անցյալում, ԼՂ հակամարտությունը նույնպես մնաց պատմության մեջ: Ադրբեջանում չկա «Լեռնային Ղարաբաղ» անունով վարչական տարածք, և եթե ինչ-որ մեկը ցանկանում է վերակենդանացնել «Լեռնային Ղարաբաղ» անունով մահացածին, ապա թող դա անի իր տարածքում, իր տարածքում ստեղծի միավորում, հանրապետություն, հանրույթ «Լեռնային Ղարաբաղ» անունով, և մենք կճանաչենք այն: Բայց ոչ՝ Ադրբեջանում: Այս հարցը լուծված է»,- ասել է թշնամական պետության ղեկավարը։