"Շախտյորը" փորձարկեց ականջավոր գնդակը

Երեկ «Շախտյորի» բաց մարզման ժամանակ լրագրողների ուշադրությունը գրավել է անսովոր «ականջավոր» գնդակը, որը փորձարկում էին ակումբի  ֆուտբոլիստները. հաղորդում է Shakhtar.com-ը:

Պարզվեց, որ այն տարօրինակ, բայց նաև օգտակար գնդակ է  դարպասապահների համար: Թիմի երիտասարդ դարպասապահ Արտյոմ Տետենկոն է գնդակը հատուկ կայքում գտել և  պատվիրել:

«Մինչ պատվիրելը դարպասապահների հետ զրուցում էինք, որ վատ չէր լինի այն փորձարկել: Սովորական գնդակից գրեթե չի տարբերվում, բայց ուռուցիկ հատվածների շնորհիվ տարբեր կողմեր է թռչում և զարգացնում է ռեակցիան: Բազմազանության համար գնդակը մեզ պետք կգա, մենք  այն կկիրառենք  պարապմունքների ժամանակ»,- ասել է ֆուտբոլիստը: