Հիլարի Քլինթոնը Թուրքիայում է

Թուրքիա ժամանած ԱՄՆ պետքարտուղար Հիլարի Քլինթոնին դիմավորել են Թուրքիայում ԱՄՆ դեսպան  Ֆրենսիս Ռիկարդոնեն, ԱՄՆ-ում Թուրքիայի դեսպան Նամըք Թանը եւ այլ պաշտոնյաներ: Արտգործնախարար Ահմեդ Դավութօղլուն օդանավակայանում չի եղել:

Քլինթոնը հանդիպումներ է ունեցել Թուրքիայի նախագահ Աբդուլլահ Գյուլի, վարչապետ Ռեջեփ Թայիփ Էրդողանի եւ արտգործնախարարի հետ:

Հանդիպումների ընթացքում, ի թիվս այլ տարածաշրջանային խնդիրների,  քննարկվել են նաեւ Հայաստանին եւ Կիպրոսին առնչվող հարցեր:

Ըստ CNN turk-ի, անդրադառնալով Սիրիայի եւ Լիբիայի խնդիրներին, ԱՄՆ պետքարտուղարը հայտարարել է, թե  Թուրքիայի եւ ԱՄՆ-ի միջեւ համագործակցությունն այս հարցերում հիանալի մակարդակի վրա է:

Նախատեսվում է նաեւ Քլինթոնի հանդիպումը ընդդիմադիր Ժողովրդա-հանրապետական կուսակցության առաջնորդ Քեմալ Քըլըչդարօղլուի հետ։