Զարմացած են եւ ուրախ

Առաջին անգամ «Ոսկե ծիրան» փառատոնին իր աջակցությունն է ցուցաբերում ԱՊՀ երկրների հումանիտար համագործակցության հիմնադրամը, որի նպատակն է ստեղծել ընդհանուր հումանիտար և մշակութային տարածություն`ընդհանուր կինեմատոգրաֆիական տարածք, նպաստել մշտական մշակութային և գործնական կապերի հաստատմանը համագործակցության ողջ տարածքում, ստեղծված ֆիլմերը ներկայացնել հայ հանդիսատեսին: Ծրագիրը նաև առիթ կդառնա, որ նոր արտադրական կապեր ստեղծվեն երկրների միջև:

«Հարսանիք Բեսարաբիայում» ֆիլմի ռեժիսոր Նապոլեոն Հելմիսը նշեց, որ ֆիլմն արտացոլում է Մոլդովայի կյանքը, իսկ իրենք արդեն 5 տարի է, ինչ փորձում են բոլորին ապացուցել, որ թեեւ փող չունեն, սակայն ունեն տաղանդավոր մարդիկ:

«Լքված մանկության գետափին» ուզբեկական արտադրության ֆիլմը նկարահանվել է դեռևս 2010-ին: Ռեժիսոր Սաբիր Նազարմուհամեդովը տեղեկացրեց, որ իրենց երկրում 14-25 տարեկան երիտասարդները դիտում են հիմնականում հայրենական արտադրության ֆիլմեր:

Ըստ «Լույսի գողը» նիդեռլանդական արտադրության ֆիլմի ռեժիսոր Ակտամ Արիմ Կուբաթի` ֆինանսավորման առումով հույսները չեն դնում պետության վրա, այլ իրենք են աշխատում ինչ-որ բան անել: Այդ առումով Նապոլեոն Հելմիսը խոստովանեց, որ զարմացած և ուրախ է փառատոնի շրջանակներում մեր պետության հովանավորության առիթով:

Լուիզա ՍՈՒՔԻԱՍՅԱՆ