"Բուլգարիա"-ի աղետի զոհերի թիվը 9-ն է

Երեկ Վոլգայում խորտակվել է «Բուլգարիա» ջերմանավը:

Պաշտոնական տվյալներով` զոհերի թիվը ներկա պահին 9-ն է. տեղեկացնում է ԻՏԱՌ-ՏԱՍՍ-ը:

Նավի խորտակման վայրում աշխատում են Արտակարգ իրավիճակների նախարարության աշխատակիցները եւ ջրասուզակները: Դեպքի վայր են բերվել լուսավորող սարքեր, որոնք հնարավորություն կտան որոնողական աշխատանքներ իրականացնել նաեւ գիշերը:

Նավի վրա եղել է 199 մարդ` նախատեսվածից շատ, այդ թվում` 50 երեխա: Անհայտ է մոտ 106 մարդու ճակատագիրը, 85 հոգու հաջողվել է փրկվել:

Ողջ մնացածների խոսքերով` նավը խորտակվել է երեք րոպեի ընթացքում: Նրանք նաեւ հայտնել են, որ խորտակվող նավի կողքով երկու նավ է անցել, սակայն դրանք չեն կանգնել ու չեն օգնել նավաբեկյալներին: