ՀԱՅԱՑՔ. Ալրաղացի Լյովին կփոխարինեն Ռուսլան Բաղդասարյանով

Ալրաղացի Լյովի գլխին սեւ ամպեր են կուտակվել: Այն «անբախտների» շարքում, ովքեր չեն մտնի հաջորդ Ազգային ժողով, լինելու է նաեւ թիվ 5 ընտրատարածքից ընտրված ՀՀԿ-ական Լեւոն Սարգսյանը:

Իսկ վերեւներն արդեն որոշել են, թե ով է նրան փոխարինելու: Խոսքը ՀՀԿ-ական Ռուսլան Բաղդասարյանի մասին է: Նա ներկայումս Երեւանի ավագանու անդամ է, աշխատում է կադաստրի համակարգում: Եղել է Դավիթաշեն համայնքի ղեկավարի տեղակալ, խորհրդական, իսկ 2007-ի նհասցրել է մասնակցել Դավիթաշենում տեղի ունեցած մի հրաձգության, որի ժամանակ վիրավորվել է:

Բայց 31-ամյա քաղաքական գործչին օգնելու է պատգամավոր դառնալ ոչ թե նրա գործունեությունը, այլ ծագումնաբանությունը. Ռուսլան Բաղդասարյանը ԲՀԿ-ական Ռուբեն Գեւորգյանի քրոջ տղան է: Բացի դրանից` Դավիթաշենի գործող թաղապետ, ՀՀԿ-ական Արթուր Գեւորգյանի հորաքրոջ տղան է: Դա դեռ քիչ է` նաեւ նույն համայնքի նախկին ղեկավար Սուրեն Ղուկասյանի բարեկամն է:

Այնպես որ, սույն երիտասարդին պատգամավոր դարձնելով` իշխանությունները մի քանի հարց միանգամից կլուծեն. Ալրաղացի Լյովն ԱԺ-ում չի լինի, ԲՀԿ-ական Ծաղիկ Ռուբոն իրեն վատ չի զգա, դե էլ չենք խոսում ՀՀԿ-ի մասին: